Dementzia aurreratua duten pertsonen mina ebaluatzeko eskalaren bertsio espainiarra egokitu eta baliozkotzea

Mina egoitzetako arazo larritzat jotzen da, egoiliarren % 49 eta 83 bitarteri eragiten baitie. Alzheimer gaixotasunak gaixoarengan duen bilakaeraren ondorioz, mina ebaluatzeko eskalak ulertzeko eta jakinarazteko arazoak sor daitezke eta, horrenbestez, ebaluazioa eta tratamendua zaildu. Azterketa horren helburu nagusia, beraz, hauxe da: PAINADen bertsio espainiarra (PAINAD-Sp) baliozkotzea eta Espainiako zentro gerontologiko batean egindako esperientzia ebaluatzea. Materialak eta bideak. Orotariko profil profesionaleko 5 behatzailek dementzia aurreratua diagnostikatu zaien hogei erabiltzaile behatu dituzte 5 minutuz eta hiru egoera desberdinetan: atsedenean, jarduera atsegin batean eta mina izan dutenean. PAINAD-Sp eskala analogiko bisual batean ere ezarri zen, aldi berean.

Emaitzak: emaitzen arabera, Cronbachen alfa 0,467 eta 0,827 bitartean egon zen (0,692an batez beste; kopuruak gora egiten zuen, arnasketaren itema kenduz gero). Epaileen arteko fidagarritasuna 0,587 eta 0,956 bitartean egon da. PAINAD-Sp eskalan eta Eskala Bisual Analogikoan guztira lortutako batez bestekoaren korrelazioa esanguratsua izan da estatistikoki (p < 0,05ekoa) neurri guztietan, 0,517 eta 0,868 bitarteko gorabeherekin. Ondorioak:Azterketaren emaitzek erakusten dute PAINAD-Sp eraginkorra dela komunikatzeko gaitasunik ez duten pertsona dementziadunen mina neurtzeko. Eskala hori osasunaren alorreko profesionalek erabil dezakete, entrenamendu txikia izan arren, eta oso fidagarria da.