Etxean Ondo. Etxez etxeko arreta eta adinekoen inklusioa eta parte hartzea hobetzea

Laguntza eta arreta behar duten adineko pertsonek eta beraien senitartekoek laguntza eta arreta hori era integralean, koordinatuta eta jarraitutasunez jasotzea, beraien ongizaterako eta bizi kalitaterako baldintzarik onenetan. Kasuen kudeaketa eta pertsonarengan ardaztutako arreta integrala erabiltzen dituzten esperientzia pilotu horien bidez, ezarritako ereduaren eraginkortasunari eta efizientziari buruzko ezagutza sortzea.

Etxean Ondo proiektu pilotuak pertsonarengan ardaztutako arreta eredu integrala (PAAE) ezarri nahi du, «pertsonaren bizi kalitatearen eta ongizatearen alor guztiak hobetzeko, haren duintasuna, eskubideak, interesak eta lehentasunak erabat errespetatuta, eta partaidetza ere aintzat hartuta».