Etxean Ondo Araba

EAEko udalerri batzuetan adinekoen etxez etxeko arreta eta inklusioa eta parte hartzea hobetzeko proiektu pilotua. Aurkezten den proiektuak hamar udalerri biltzen ditu, eta ingurune geografiko hori da, hain zuzen, proiektuaren ezaugarri nagusia. Izan ere, landa eremua da eta, aurretiaz ere azaldu den bezala (García Sanz, 1997; Rodríguez Rodríguez, 2004), adinekoentzat prestatuko diren politikak errealitate horretara egokitu behar dira, hiri inguruneetan ez bezalako jarduketak egin beharko baitira bertan.