"Elhuyar solasaldiak" hitzaldi zikloa

Elhuyarrek eta Usurbilgo Udalak hainbat hitzaldi antolatu dituzte apirilaren 14tik maiatzaren 12ra, asteazkenero, Usurbilgo Sutegi aretoan eta streaming bidez, 18: 30ean usurbilkultura.eus eta zientzia.eus. Hitzaldietan gai hauek jorratuko dira: COVID-19aren testuingurua, zaintzak, pentsamendu kritikoa, ekonomiaren eraikuntza ekologikoa eta adimen artifiziala hizkuntzan.

Jarduera doakoa izango da, baina Sutegin bertan jarraitu ahal izateko aldez aurretik izena eman beharko da.

Topaketen egutegia:

Apirilak 14.- "COVID-19aren Korapiloak deslotzen". Ana Galarraga Aiestaranek (Elhuyar) hitzaldia emango du, pandemia eta txertoak hainbat ikuspegitatik aztertzeko.

Apirilak 21.- "Zaintzak". Mayte Sancho Castiellok Matia Fundazioa Usurbilgo Udalarekin egiten ari den zaintza ereduaren inguruko hausnarketa egingo du eta, bestalde, Miren Arangurenek Beterri-Buruntzaldean egindako zaintza ikerketa aurkeztuko du.

Apirilak 28.- "Pentsamendu kritikoa". Agustin Arrieta Urtizberea EHUko filosofia irakasleak egungo gizartearen eraldaketa prozesu azkar eta etengabean jasotzen dugun gehiegizko informazioa aztertzeko pentsamendu kritikoa garatu beharraz hitz egingo du. Pentsamendu kritikoak lagunduta, informazio partzial eta interesatuei eta ebidentzietan oinarritutako informazioa emateko beharrari buruz arituko da.

Maiatzak 5.- "COVID-19aren ondorengo berreraikuntza ekologikoa". Mirene Begiristain Zubillaga eta Arturo Elosegi Irurtia.

Maiatzak 12.- Xabier Arregi Iparragirre EHUko irakasle eta IXA taldeko kideak eta Xabier Saralegi Urizar Elhuyarreko kideak hizkuntzako adimen artifizialari buruz hitz egingo dute, eta, zehazki, adimen artifiziala ikuspegi sozialarekin nola tratatu azalduko dute.