Adinekoentzako etxebizitzak eta bizitokiak. Nazioarteko esperientzia

Ohiko etxebizitzan egotea, adina oso aurreratua denean eta mugikortasun-arazoak eta laguntza-beharra agertzen direnean, gero eta zailtasun handiagoak ditu, egoera-multzo multidimentsional baten ondorioz: etxeko zerbitzu publiko eta pribatuen eskuragarritasuna, komunitate-laguntza, hurbiltasun-zerbitzuak, ekintza boluntarioa eta, bereziki, familia-eremuko laguntza. Zainketek behar duten intentsitateak eta mendetasun-egoeren egungo hedapenak hainbat eremutatik datozen erantzunak eskatzen dituzten laguntza- eta arreta-beharrak sortzen dituzte, ekosistemikoak eta kasuen kudeaketatik koordinatuak.

Artikulu honek azaletik berrikusten du beste herrialde batzuetan metatutako esperientzia, zahartzen diren pertsonen bizi-ibilbidea jarraituz: hainbat arrazoirengatik etxez aldatu nahi dutenean ematen diren erantzunak, baina beren bizitzetan aldaketak eragiten dituztenak (bakardadea sortzen duen alarguntasuna, pertsona batentzat edo birentzat leku gehiegi), eta mendekotasun-egoerek eragindako premiak, eta, kasuren batean, narriadura kognitiboa duten pertsonentzako konponbide espezifikoak.