Hitzaldia emango du Álvaro Garcíak, Matia Institutua Fundazioko Psikologiako doktoreak eta ikertzaileak, eremu gerontologikoarekin lotutako gaietan ikertzaile gisa. Bertan, dementziarekin bizi diren adinekoei edo zahartze-prozesuan daudenei, zaintzaileei eta gizarte- eta familia-inguruneari zuzendutako gida berri bat aurkeztuko du. Dementziarekin bizi direnen behar partikularrak identifikatzeko informazio erraz eta erabilgarria eskaintzen duen materiala da, eta gure etxebizitza errealitate horretara egokitzeko aukerak zehatz-mehatz aztertzen ditu.
