Belaunaldi inklusiboak: Komunitatetik gizarteratzen laguntzeko proposamena

Etorkizuna Eraikiz (Gipuzkoako Foru Aldundia) ekimenak Matia Institutuarekin eta Adinkidearekin elkarlanean eta Antzuolako Udalaren parte-hartzearekin finantzatutako InklusiB proiektuan egindako materiala.

"Herritartasun aktiboa" kontzeptuak garrantzi handiagoa du garai hauetan, eta elkarrekiko laguntza eta konpromiso soziala ezinbestekoak dira komunitate bereko pertsonen ongizatea bermatzeko. Proiektu horri esker, eta lankidetzazko eraikuntza-prozesu baten bidez, laguntza-gida hau sortu da, pertsona guztien parte-hartzea bultzatuko duen aktibazio komunitarioko prozesu bat abian jartzeko, batez ere beren udalerriko bizitzan inplikatzea eragozten duten inguruabarren eraginpean daudenena.