Dementzia duten pertsonak: komunikazioa eta ongizatea Aurrerabidea

Zentroetan arreta jasotzen duten pertsona askok narriadura kognitiboa edo dementzia dute. Pertsona horiek behar bereziak dituzte, baina eskubideak eta nortasun propioa dituzte, eta zaintzen ditugunon onarpena eta babesa behar dute.

Komunikazioa funtsezko alderdia da dementzia duten pertsonak ondo zaintzeko. Dementzia duten pertsonekin komunikazio egokia izatea funtsezko estrategia da ongizatea errazteko eta ingurunea nahasi bihurtzen denean gerta daitezkeen portaera-aldaketak prebenitzeko eta horiei aurre hartzeko.

Hala ere, dementzia duen pertsonarekin komunikatzea ez da beti erraza. Begirada eta jarrera eta trebetasun jakin batzuk garatzea eskatzen du laguntzen eta zaintzen duenaren aldetik. Profesionalok laguntza behar dugu horretarako.

Covid19ak eskatutako neurriek erakutsi dute dementzia duten pertsonek zailtasun bereziak dituztela bizi izandako egoera askoren aurrean, eta komunikazioak garrantzi berezia hartzen duela pertsona horiei laguntzeko.

Ibilbide honen bidez, ongizatea errazten duten hainbat gaira hurbildu nahi gara, lagunaren eta lagunaren arteko komunikazio egokiaren bidez. Hori guztia, narriadura kognitiboaren eta dementzia duten pertsonen inguruan ditugun jarrera eta sinesmenei buruzko hausnarketa batetik abiatuta, lehenik bakarka eta gero taldean.