Koordinazio soziosanitarioaren erronkak: ikuspegi prebentibo, pertsonalizatu eta komunitario baterantz

La Palmako Kabildoak eta Plena Inclusión Kanariasek topaketa hau antolatu dute, antzemandako erronkei erantzungo dieten beste errealitate batzuk ikusarazteko. Honako hauek dira topaketaren helburu nagusiak: arreta eta koordinazio soziosanitarioko ereduetan sakontzea, La Palmako datu kuantitatiboak agerian utziz; mendekotasuna duten pertsonentzako alderdi horretako alternatiba eta irtenbide berritzaileak erakustea; eragileen eta administrazioen arteko koordinazio soziosanitarioko alternatibak sortzea; eta nazio-mailako Desinstituzionalizazio Estrategia eta mendetasunari arreta eta laguntza emateko ereduak hobetzera bideratutako estrategia autonomikoa ikusaraztea.

Matiatik Maria Francesca Cerdó y Pasqual lankidea, Matia Eskolako arduraduna, etorri da "Como en Casa" proiektuaz hitz egitera. Proiektu horrek aurrera egiten du egoitza-arreta pertsonengan oinarritutako zerbitzu-hornidurara aldatzeko bidean. Maria proiektu honetako bi lan-paketeren arduraduna da: "Zaintza Ona" eta "Zaintza-inguruneetako arreta-eredua". Etxean bezala (Como en Casa), Matiak gidatutako ekimena da, eta Eskubide Sozialen Ministerioaren eta Agenda 2030en finantzaketa du, Espainiako Gobernuaren Berreskurapen, Eraldaketa eta Erresilientzia Planaren eta Europar Batasuneko Next Generation EU funtsen esparruan.