Zainketen demokratizazioari buruzko jardunaldiak

Zainketa-lanak antolatzeko gaur egun dugun moduak ez ditu gizartearen beharrak asetzen. Gaur egun, sistemak ez du ahalmenik biztanleriaren geruza askoren ongizatea bermatzeko, eta datuek datozen urteetan egoerak okerrera egingo duela iragartzen dute, zainketak beste modu batera antolatzen ez baditugu behintzat. Biztanleriaren zahartzeak, mendetasun-indizea handitzeak, emakumeak lan-merkatuan masiboki sartzeak, familia-eredu askotarikoak zabaltzeak, hala nola gero eta familia txikiagoen prestakuntzak eta, bereziki, politika neoliberalen garapenak eragin handia izan dute zaintzak antolatzeko moduetan. Horregatik, eta egoera horiei aurre egiteko baliabide publikorik jarri ez delako, talde eta teoriko feministek denbora daramagu zaintza-krisiaz hitz egiten.

Emagin Elkarteak jardunaldi interesgarriak antolatu ditu Hernanin, zaintza-eskubide kolektiboa ikuspegi feministatik bermatzeko garatu beharreko bideari buruz hausnartzeko.

Programa

Ostirala, apirilak 1.

17:00 Ongietorria.

17:30 Zainketak zentroan. Zertaz ari gara? Naia Torrealdai Euskal Herriko Bilgune Feminista.

18:30Zainketak demokratizatzeko bidean. Beterri-Buruntzaldeko diagnostikoaren aurkezpena.

19:15 Zer aurreratu dugu? Maitelan, zainketen Sare Publiko Komunitarioa, Hernani tratu onengatik.

Larunbata, apirilak 2.

10:00 Mahai ingurua:

• Radars Bartzelona. Anna Rovira.
• Zaintza-ekosistemak. Maider Azurmendi. Matia.
• Etxekotu gabeko langileak. Liz Quintana/Txefi Roco.
• Zaintzen duten herriak. Roser Casanovas. Colec · tiu Punt6. Bartzelona.

12:30 Eztabaida. Zainketak demokratizatzeko urrats berriak.