Euskadin ondo zahartzea, adinekoen ikuspegia: azterketa kualitatiboa

Biztanleriaren zahartzea lorpen sozial handia da eta erronkak planteatzen ditu biztanleria horren ongizatea bermatzeko berdintasun eta iraunkortasun baldintzetan, are gehiago adinekoengan hainbesteko eragina izan duen COVID-19aren krisiaren ondoren. Erronka honek aldaketak eskatzen ditu politiketan, bai gizarte- eta osasun-zerbitzuetan, bai iraupen luzeko zaintzetan, bai bizitegi-inguruneetan (etxebizitza, egoitzak, etab.), besteak beste.

Aldaketa demografiko eta sozialeko egoera honetan, hainbat galdera planteatzen dira:

• Nola zahartzen dira adinekoak Euskadin?
• Zer esan nahi du ondo zahartzeak?
• Zer ingurune motak, fisiko zein sozialak, errazten du zahartze ona?
• Zer gizarte- eta osasun-zerbitzu motak laguntzen du zahartze ona?

2022. urtean, Euskadiko zahartzeari buruzko luzetarako azterlan bat diseinatzen ari da, zahartze onaren prozesua eta baldintzatzaileak aztertzeko, eta hurrengo hamarkadan izango diren aldaketa demografikoak eta sozialak integratzeko. Azterlan honen lehen fasea ikerketa kualitatibo bat egitean oinarritzen da, elkarrizketa sakonekin, zahartzen ari diren pertsonek zahartze-prozesuaren zein dimentsio funtsezkotzat jotzen dituzten identifikatzeko, bai eta ondo zahartzeko inguruan aurkitzen dituzten oztopo eta erraztaileak identifikatzeko ere.

Helburuak

Zahartze-dimentsioak identifikatzea, bai eta ingurunean ondo zahartzeko dauden oztopoak eta erraztaileak ere.

Finantzatzaileak

Eusko Jaurlaritza. Berdintasun, Justizia eta Gizarte Politiketako Saila.