Explore Activate

Europar Batasuneko herritarren bizi itxaropena handitzen lagundu dute, besteak beste, osasuna zaintzeak, zoriontsu bizitzearen garrantziaz ohartzeak, zahartze osasungarriak eta bizi kalitate handiari eusteak; eta benetan harro egoteko modukoa da hori. Biztanleen adin taldeak, berriz, desorekatuta daude. Ondorioz, zahartze demografikoa da Europar Batasunak duen erronketako bat.

Espero bezala, erronka horrek beste premia batzuk dakartza: adineko pertsonek bizitza sozialean eta ekonomikoan urte gehiagoz parte hartzea. Europako 10 herrialdetako erakundeek diseinatu dute Explore Activate proiektua. Proiektuaren helburua da, udalerrietako adinekoei jakinaraztea garrantzitsua dela zahartzaroan ere aktibo jarraitzea, hau da, zahartze aktiboaren kontzeptua. Helburu bakoitza azalduko dugu, baita nola lortu genuen ere. Mugikortasun ekintzetan parte hartu zuten pertsonek aukera izan zuten tarte libreetan bizipenen gaineko informazioa trukatzeko.

Helburu hori betetze aldera, bazkide bakoitzak bere herrialdean bilatu zituen jardunbide egokiak. Koordinazioaz arduratzen zen kideak jardunbideak antolatu eta azken gidaliburuan sartu zituen.

«Jardunbide egokien» kasu azterketa egitea:

Kideek gainerako kideen jardunbide egokien berri jaso zuten, eta alde biko bileretan inplementatu zituzten. Beste kide batzuek jardunbide egokiak aurkeztu zituzten, tokiko eta estatuko mugikortasun ekintzetan. Kide batzuk udal esparruan bildu dira, eta jardunbide egokiak etorkizunean herrialde kideetan nola inplementatu eztabaidatu dute langileekin. Herrialde bakoitzeko erakundeen eta helburuen arabera garrantzitsuak ziren jardunbide egokiak aztertu zituzten bereziki. Ildo horretatik, jardunbide batzuk beste batzuk baino garrantzitsuagoak izan daitezke.

Jardunbide egokien eta kasu azterketen bilduma osatzea:

Kideak elkarlanean aritu ziren, eskuliburua argitaratzen. Jardunbide egokiak biltzeaz gain, partzuergoari eta zahartze aktiboari buruzko informazioa ematen da, bai eta jardunbide egokien sailkapena ere.

Emaitzak hedatzea:

Emaitzak hedatze aldera, kideek liburuxka bat egin zuten, kiderik esanguratsuena eta proiektuari buruzko informazioa jasota. Horrek partzuergoaren nortasun kolektiboa zehazten ere lagundu zuen. Kidearen logotipoa ere jaso zen liburuxkan, eta haren herrialdeko hizkuntzara itzuli da. Kideek lau proiektu aldizkari egin dituzte, eta Explore Activate ekitaldiei buruzko informazioa bildu dute haietan. Proiektuaren webgunea ere egin zuten, eta erregulartasunez eguneratu dute proiektuaren emaitzak eta bilerak gehituz. Webguneko bisitariek erakunde kideen gaineko informazioa eta ekitaldien argazkiak ikusiko dituzte. Proiektua are gehiago zabaltzeko eta ezagutarazteko, kideek Explore Activate orria sortu zuten Facebooken, eta proiektuari buruzko informazioa jaso zuten bertan.

Herritarrek zahartze aktiboaren gainean duten sentsibilizazioa eta kontzientzia handitzea:

Tokiko kideen bileretan eta alde biko bileretan, kidearekin batera bildu ziren tokiko agintariak. Bilera egunetan, tokiko erakundeak bisitatu zituzten kideek. Proiektuko jardueren gaineko informazioa bidali zitzaien mugikortasun ekintzetara etorri ezin izan ziren agintariei eta beste alderdi interesdun batzuei. Horren bidez, kontzientziazioari hedadura handiagoa eman zitzaion.

Adineko pertsonei zahartze aktiboari buruzko prestakuntza ematea eta aktiboago bizitzeari zer etekin atera diezaioketen jakinaraztea:

Kideek proiektua hedatzeko informazio baliabideak sortu zituzten, jardunbide egokiak biltzen dituen eskuliburua egin zuten eta jarduerak proposatu zituzten, mugikortasun ekitaldietan. Horrez gain, lantegiak edota jardunbide egokiak planifikatu edo antolatu zituzten, udal zein estatu esparruan.

Herritarrei zahartzearen erronkez eta aukerez jabetzen laguntzea:

Kideekin batera, tokiko agintariek eta alderdi interesdunek ere hartu zuten parte bileretan, kontzientzia handiagoa zabaltzeko. Adibide zehatzak eman zituzten, adineko pertsonek aktibo jarraitzeko moduak azaltzeko.