Gipuzkoan zahartzea

Adinberri SIAren lehen txosten tematikoa, 55 urteko edo gehiagoko pertsonen testuinguruari, egoerari eta konparazioari buruzko datuekin. Argitalpenak Gipuzkoan zahartzen diren pertsonen errealitatea ezagutzeko eta Europako testuinguruarekin alderatzeko ibilbide bat planteatzen du, zahartzearen eremuan garrantzitsuak diren arloak jorratzen dituzten inkesten bigarren mailako datu-iturrietan egindako analisi batetik abiatuta, hala nola: osasuna eta zahartze osasungarria; iraupen luzeko zainketak; ingurunea eta komunitatea; zahartze aktiboa eta baliozkoa; eta silver economy.

Dokumentua Matia Institutuko Sara Marsillas eta Elena del Barriok egin dute, Adinberri Fundaziorako SiiSekin lankidetzan.

Emaitz nagusiak

Txosten honetan jasotako datuen laburpenak adinekoen egungo eta etorkizuneko hazkundea adierazten du, baita hazkunde-erritmo handia ere. Gipuzkoako adinekoen osasuna modu positiboan baloratzen da, eta osasunarekin lotutako bizi-kalitate ona ere badute. Hala ere, bi alderdi horiek behera egiten dute adin aurreratuetan, eta jardueraren mugapen kroniko handiagoa ere badago. Horrekin batera, laguntza behar duten inguruko pertsonei laguntza ematen zaie, eta, beraz, etapa honetan eskaera eta zainketen inguruko laguntza-hornidura konbinatu eta kontzentratzen dira.

Gipuzkoan zahartzen diren pertsonek, gainera, komunitate-sentimendu nabarmena eta parte-hartze handia adierazten dute zahartze aktiboari lotutako jardueretan, hala nola jarduera fisikoan, boluntariotzan, turismoan edo gizarte-loturan.

Laburbilduz, horrelako txostenek gai interesgarriei buruzko egungo emaitzak ematen dituzte labur-labur, eta Gipuzkoako zahartzearen eremuko joerak identifikatzeko tresnatzat hartzen dira.