Etxean Ondo Ermua Etxebizitzak

Estatistika Institutu Nazionalak (EINek) prestatutako Biztanleen Udal Erroldaren azken datuak eskuetan, 2011ko urtarrilaren 1ean 65 urteko eta gehiagoko 3.210 biztanle zeuden Ermuan; termino erlatiboetan, herriko biztanle guztien % 19,7.

Ermuan nabarmena da adineko herritarren proportzioaren hazkundea: hamabost urtean, herritarren % 8,4 izatetik % 19,7 izatera igaro dira. Aldi berean, herriko biztanle guztien kopuruak behera egin du epealdi horretan. Adineko biztanleek kopuruan eta pisu proportzionalean gora egin dute, herriko biztanleria osoak behera egiten duen bitartean.