Lugaritz - Babesdun etxebizitzak

Kontzeptu-esparrua

Biztanleriaren demografia aldaketa handiak izaten ari da, eta horietan agerian geratzen da adinekoen kolektiboaren hazkunde proportzional progresiboa. Horrela, bizi-itxaropena handitu egiten da, eta populazio-taldearen heterogeneotasuna handitu. Horrenbestez, mendetasun-egoeren gorakada eta askotariko laguntzak izateko beharra nabarmentzen dira.

Horregatik sortu zen, hain zuzen ere, «Housing» fenomenoa, bizitoki-modalitate guztiei buruzko kultura-aldaketa ematea helburu duena. Pertsona bakoitzari egokituta eta pertsonalizatuta daude, baita haien bizimoduari, ohiturei, lehentasunei eta desioei ere. Gainera, etxebizitzak komunitatean integratutako inguruneetan daude, eta horiek normalizatuak dira. Espazioei dagokienez, espazio komunak elkargune eta elkarreragin-gune gisa nabarmentzen dira.

Beraz, etxebizitza-ereduei dagokienez alternatibak egotea eta handitzea goraldian dago Europako zatirik handienean.

Testuinguru horretan, Matiak Lugaritzeko babesdun etxebizitzak sortzearen alde egiten du, adinekoentzako bizitokien arloan proiektu berritzaile bat sustatzeko asmoarekin. Kontuan izan behar da hiri adiskidetsu bihurtzeko bidean aurrera egiteko aukera ematen duela.

Lugaritzeko etxebizitzen proiektuaren ezaugarri orokorrak

Lugaritzeko proiektua proiektu berritzailea da, bizitza osorako etxebizitzak biltzen dituena, zahartze-prozesuan dauden pertsonei zuzenduak, nolabaiteko laguntza-beharra dutenak eta etxean bizitza-proiektuari jarraipena emateko lehentasuna dutenak. Gainera, etxebizitzak bikoteen edo familia-bizikidetzako unitateen elkarbizitzara bideratuta daude, bizilekuaren ordezko baliabide gisa hartuta.

Adierazi behar da etxebizitzak, bi edo hiru gelakoak izanik, alokairu-erregimenekoak direla.

Ezaugarri nagusiak honako hauek dira:

Diseinua: xehetasunez irisgarria eta norberaren ongizatea sustatzeko diseinatua. Lugaritzek honako hauek ditu:

• Etxebizitzak, pribatutasunerako eta familia-intimitaterako espazioak.
• Eremu komunak: funtsezkoak dira parte hartzeko, partekatzeko eta gizarte- eta auzo-interakzioa sortzeko.

Kasuaren kudeaketa:

• Erreferentziako pertsona
• Laguntza eta jarraipen pertsonalizatua
• Orientazioa eta informazioa
• Komunitateko hainbat zerbitzu eta eragilerekin koordinatzea.

Zerbitzuak, prestazioak eta baliabideak: komunitateak emango ditu, modu pertsonalizatuan.

Gainera, Lugaritz hiri-proiektu bat da, hurbileko espazio publikoetan lagunkoitasuna sustatzea helburu duena.