III Mid-Term Conference of the Urban Sociology Research Network 37 of European Sociological Association

Ezin da ahaztu hiriak ez direla soilik mugimendua duten espazioak, dardartiak eta loratsuak, bizi-kalitate hobea izateko itxaropena ematen dutenak, baizik eta arazo esanguratsuak ere metatzen eta islatzen dituztenak. Ekonomia-, politika-, gizarte-, kultura- eta ingurumen-mekanismoen konplexutasuna aitortu behar dugu, dauden desberdintasunak indartzen baitituzte eta mundu globalizatuko hirietako eta hiri-espazioetako bizitzari ziurgabetasun handia eransten baitiote. Hobeto ulertu nahi ditugu desberdintasunak eta ziurgabetasunak hiri-eremuan duten eragina eta ondorioak, bai eta egungo erronkei emandako erantzunak ere, jardunbide informalei zein instituzionalei dagokienez.

Honako hauek dira hitzaldi honek jorratzen dituen alderdi nagusiak: "Desberdintasuna eta ziurgabetasuna: egungo erronkak hirientzat". Bertan, Euskadi Lagunkoia proiektuaren arduradun teknikoa den Elena del Barriok hartzen du parte, eta ekimen horren bidez adinekoen parte-hartzea nola sustatzen den aipatzen du, herritar aktiboagoak eta ahaldunduagoak izan daitezen bultzatuz.